بمناسبة حلول رمضان الكريم .... اعتذر للجميع ... !!!

السلام عليكم ورحمة الله وبركاته

كل سنة وحضراتكم طيبين وبالف خير

بمناسبة حلول رمضان الكريم .... اعتذر للجميع ... !!! En-nayef.net_20

من فترة كده قرأت حاجة على الفيس ولفتت انتباهي

فيه بنوتة كتبت رسالة للجميع

بتقول بمناسبة حلول رمضان الكريم انا بعتذرللجميع

على أي كلمة وعلى أي نظرة وعلى أي سوء ظن مني

وعلى أي سوء تفاهم او خصام او خلاف او ظلم من طرفي

واتمنى من الجميع يسامحوني على كل حاجة صدرت مني

بمناسبة حلول رمضان الكريم .... اعتذر للجميع ... !!! En-nayef.net_20

الكلام ده جميل وفكرة جميلة ولفتة اجمل واجمل

انا عن نفسي مش معترضة وبحييها على مبادرتها

بس في نفس الوقت شايفة ان الاعتذار عن الخطأ

او عن سوء الظن او الظلم او اي حاجة سلبية صدرت مننا

المفروض الاعتذار ده يكون في كل الاوقات وكل الفترات

مش في رمضان بس

لان الشهور كلها والايام كلها هي بتاعت ربنا

والكل لازم يصفي قلبه على طول ومعظم الوقت

مش استنى فترة معينة او شهر معين

عشان اعتذر وابتدي صفحة جديدة مع الناس

بمناسبة حلول رمضان الكريم .... اعتذر للجميع ... !!! En-nayef.net_20

وكمان في حاجة غريبة بتحصل

فيه البعض مش بيصلّوا غير في شهر رمضان

وكأن رمضان بس هو الي مفروضة فيه الصلاة

وباقي الاشهر مش مهم

وفيه كمان الي بيقول لا انا مش هكذب عيب احنا في رمضان

انا مش هعمل معاصي حرام احنا في رمضان

انا مش هسرق حرام احنا في رمضان

انا مش هتكلم في سيرة الناس حرام احنا في رمضان

وامثلة كثيرة اوي اوي

بمناسبة حلول رمضان الكريم .... اعتذر للجميع ... !!! En-nayef.net_20

طيب لو مشينا على نهج الكلام ده

يبقى الكذب والمعاصي والسرقة والنميمة والغيبة

مباحة وتجوز طووول السنة وحلال الا في رمضان !!!

بمناسبة حلول رمضان الكريم .... اعتذر للجميع ... !!! En-nayef.net_20

ايه رأيكم في التفكير ده ؟

كل سنه وانتى بخير

رمضان مبارك

واهلا وسهلا بكى مره اخره فى بيتك الثانى

نورتى اكيد المنتدى

عندك حق فى كلامك والله يا صابرين
مش عارفة ايه اللى بيحصل للناس يعنى هو الناس مش هتخاف من ربنا ولا متعملش حاجه تغضبة الا فى رمضان بس يارب اللى ربنا يهدية ويهديها يفضلوا على كدة علطول مش يوم كدة ويوم كدة
ميرسى ليكى يا صابرين ع الموضوع الجميل

ايمان كتب:

اولا اشكرك على كلامك الجميل

ولى عندك ملحوظه

اذا وجدنا بعض الناس تذهب الى المساجد فى رمضان فقط

او تعمل الخير فقط

المفروض ان نفرح بأن الله سبحانه وتعالى قد هداهم اليه

وكل عام وانتم جميعا بخير وبصحه جيده

رمضان مبارك عليكم

تقبلى مرورى

» من فضائل رمضان : نداء رمضان..ياباغي الخير أقبل
» من فضائل شهر رمضان : فضل قيام ليالي رمضان
» لا تقل... رمضان كريم... بل قل... رمضان مبارك!!!
» من فضائل رمضان : خصائص شهر رمضان
» كـــــــــــــــــارثـــة بكل معنى الكلمة !!! مهم للجميع