تتجوزى باشمهندس ( سباك اد الدنيا ) ولا تقعدى جنب مامتك؟؟؟

سيداتى انساتى
هنتكلم كلام مهم خدو اما اقولكن
وملناش دعوة بسادتى
الموضوع للبنات وبس
الموضوع ده قريته وعاوزة اطرحه على مائدة الحوار ( حلوة مائدة الحوار دى )

في ظل الظروف المحيطة بينا وازمة الشباب المنتشرة تخيلو معايا الموقف ده
جه عريس لبنت في اسرة متوسطة ......العريس شاب لم يبلغ الثلاثين بعد، متخرج في كلية الهندسة، ويملك شقة في حي راقٍ، وسيارة "آخر موديل"، ورصيداً مقبولاً في البنك، يضمن لابنتهم حياة مستقرة لا تتأثر بأي زلازل اقتصادية محلية أو عالمية، "مستريّح مادياً م الآخر يعني".. وأشرقت الدنيا و"زهزهت" في عيونهم، وهم يتنفّسون الصعداء بقرب "انزياح" ابنتهم أخيراً إلى "بيت العَدَل"، فهذا هو العريس الذي لا يقول له أحد "لأ".

عادت العروس وأمها تدريجياً من أحلام اليقظة على صوت الأب، وهو يسأل العريس:
- "وإنت بتشتغل إي بقى يا "وليد" يا ابني؟"

- "والله يا عمي أنا الوظيفة ما بتأكّلش عيش، فقلت أشتغل حر".

ابتسم الأب وهو يزداد إعجاباً بزوج ابنته المستقبلي، وقال:
- "ما شاء الله.. ما شاء الله يا ابني! كويس إن شاب في سنّك وعنده العقلية دي.. ويا ترى بقى بتشتغل في إيه؟"

- "يعني يا عمي، عندي شنطة سباكة صغيرة كده، والأوردرات طول النهار شغالة ع الموبايل، وأديني باكل منها الشهد الحمد لله".

مع آخر كلمات العريس أفاق أهل العروس تماماً من أحلام يقظتهم، وإن كانوا لم يستوعبوا حرفياً معنى كلام العريس؛ مما جعل أباها يعيد السؤال بشكل أوضح:
- "يعني بتشتغل.. سباك..!!؟"

قال العريس وهو لا يزال مبتسماً:
- "أيوه يا عمي".

بُهت أهل العروس، بعدما اكتشفوا أن هذه الإجابة كانت إيذاناً بـ"فشكلة" الموضوع، والجلوس في انتظار "العَدَل" لابنتهم من جديد.

*******************************
ياترى يا هل ترى لو إنتِ في مكان عروسة "وليد"، هتسيبي باباكي يطرده، لمجرد إنه مش بيشتغل شغلانة تقدري "تتفشخري" بيها قدام أصحابك وقرايبك وأي حد يسألك -سؤالاً ليس وراءه أكثر من فضول القيل والقال- عن مهنة عريسك
، أم أنكِ ستفكرين بمنطقية، وتحكمين على الشاب من منطلق أخلاقه وتديّنه والمستوى اللائق مادياً؟؟ خاصة وأنه متعلم ويحمل شهادة جامعية؟
مستنة اعرف رايكن
Basketball

» ما اغرب الدنيا
» ماذا تعلمت من هذه الدنيا؟!!!!!!!!
» مين معا مين من معايا ومين علياا احنا فين هى فين الدنيا ديا
» اصعب احساس فى الدنيا
» عاوز ترحيب ................................عها يكسر الدنيا