mohamed elbaz مؤسس الشبكة
رقم العضوية : 1 عدد المساهمات : 2282 نقاط : 5340 السٌّمعَة : 32 تاريخ التسجيل : 14/01/2010 العمر : 30 الموقع : https://elmslmya.yoo7.com
| موضوع: أنا حياتى سكرها زياده .. وحضرتك .؟ 30/1/2010, 1:06 pm | |
| أنا في زيادةآه والله أنا دايما في زيادة ولست في نقصكنت صغيرة وبرزق ربنا كبرت
كنت ضالة "ومازلت" وبكرم الله عرفت إن فيه ربنا .. وقلت يارب إغفر لي الذنوب الي قاصمة ضهري يارب اغفرها بكرمك ومش بعملي اللي يكسفوربنا قال "أنا عند حسن ظن عبدي بي"كنت فقيرة وأغناني ربي عن سؤال الناسمش مهم معايا كام بس بذمتك لو شفت نفسك وانت طفل ومديت إيدك في جيبك دلوقت حالا طب أكتر من كده إيه؟لو بصيت زي دلوقت السنة اللي فاتت وبصيت دلوقت بذمتك رزقك مش زاد؟
أنا رزقي زاد كتير قويهو الرزق فلوس بس؟
لو نقصت الفلوس فيه بركة في الصحةولو الصحة خسعت ربنا يخلي العيالولو مفيش عيال أدي الزوج الطيب منور الكونولو شبه عائشة الكيلاني طب ما فيه خفة الدم والقبول عند الناسو و و و و و"وإن تعدوا نعمة الله لا تحصوها"الله
عندنا صحة ومال وجمال وزوج وعيال وبيت ساترنا عندنا قوت يومنا
معافين في بدنا
آمنين في سربنا
إحنا ملوك يا جماعة وليه مش واخدين بالنا
ليه دايما بنبص على اللي راح؟ ده راح لحكمة يمكن نفهمها ويمكن لأ .. بس هي كده كده خير
ليه على طول بنحب العياط والنواح والشتيمة وإظهار القرف
طيب ما جنبنا جيران عمرهم ما داقوا طعم الأمن
ربنا يأمنهم ويفك كربهم اللهم انصر أهل فلسطين وأجعلهم على عدوهم ظاهرين
طب ما نحترم نفسنا كلنا "وأنا أولكم" ونبطل يأس وإحساس بالقلق على اللي جاي
انا في زيادة
وانت في زيادة كلنا في زيادة
بس هي البركة تبقى موجودة ها نعرف كلنا معنى الزيادة
بس هو الرضا يجي ساعتها ها نشوف اننا في زيادة
بس شوية حب بينا ساعتها ها نقدر الزيادة
بس العقد تستخبى شوية ساعتها ها ننبسط من الزيادة
الدنيا بتاخد منا لخيرنا حتى لو مفهمناش الحكمة
والله رضينا أو مرضيناش إحنا أحرار
كده كده محدش عنده رب تاني
ولا أرض تانية
ولا ها يخرج يروح في عالم تاني
غير لما يروح على ضهره للقبر
يبقى خلينا مع الكلمتين
قال من لا ينطق عن الهوى صلى الله عليه وسلم : عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم
وبعدين ربنا برحمته يدينا بدل اللي راح
واليسر مش بيجي بعد العسر
نو .. ابسلوتلي
ده معاه .. ماسك في جلابيته
فإن مع العسر يسرا .. إن مع العسر يسرا
عاوزين تأكيد أكتر من كده إيه؟
أنا مبسوطة
وفرحانة
وراضية
وفي حالة نشوة رائعة
كل سنة وأنتم طيبين ومن ربنا قريبين ومن الهموم مُعافين
__________________ ,@.قمه الحب.@..&.ان يجبرك الصمت على الكلام؟&..@.فتعجز الكلمات عن التعبير.@.
؟@.فتصمت ولا يبقى غيرالنظر.@؟ | |
|