سلوكيات ...و مش عجباك ...

[size=21]السلام عليكم ورحمة الله بركاته

الموضوع دا شاغلني اوي ... وشاغل فكري من زمان
فيه سلوكيات في مجتمعنا انا مش راضي عنها ... بترفزني ... وكتير من الناس بيعملها
السلوكيات دي كتيرة أوي ... ويا تري انتوا كمان فيه حاجات شايفينها في سلوك وتصرفات الناس ومش عاجباكوا
ممكن حاجات كلنا نتفق عليها انها غلط...
وممكن حاجات من وجهة نظرك غلط ومن وجهة نظر ناس تانيين مش غلط
وممكن انت تكون بتعمل حاجات وشايف انها عادي ... لكن كتير من الناس شايفها غلط
طب مين يحكم بينا ...؟؟

مش عاوز اطول عليكم في المقدمة .. لأن أكيد الرسالة وصلتلكم
انا هتكلم عن سلوك او اتنين او تلاته
وهسيبكوا انتوا اللي تقولوا الباقي
ولو تسمحولي برده هشاركوا في الباقي
وانا خارج من المسجد بعد الصلاة .. ألاقي واحد واقف في باب المسجد وبيلبس في الشراب وبعد الشراب الجزمة وكمان يربط رباط الجزمة والناس من وراه واقفين مستنيين سيادته يخلص وهو ... ولا هو هنا خااالص
يا تري دا سلوك كويس... ولا غلط...
انا بدأت بسلوك في الخروج او الدخول للمسجد بشوفوا كتـــــــــــــير اوي
دا حاجز الناس فين ؟؟ في المسجد .. في بيت الله ... لكن سامحني ... دا مش سلوك كويس ابدا

ايه رأيكوا في صوت آلات التنبيه في الشوارع الصادرة من السائقين( مش من السيارة) لان السيارة ملهاش دعوة
علي الفاضي والمليان - ابن عمي راجع من ايطاليا كان في بعثة تبع وزارة التربية والتعليم بيحكيلي عن النظام هناك ثلاث شهور مدة البعثة لم يسمع صوت آلة تنبيه وحدة .. لم يسمع .. - طب ليه يبقوا منظمين عننا هما المسلمين ولا احنا .... لا تعليق

ايه رأيكوا في الديجي ... والأصوات الصاخبة العالية اللي لا تخلي الطالب يذاكر ولا المريض يرتاح .. ولا اللي بيكافح طول النهار ينام ... والباقي انتوا عارفينه
الديجي دا واحد كانت امه طرشة حلف وأقسم انه يطرش الناس كلها ...( طبعا دي دعابة)

وغيرها وغيرها من السلوكيات

الاف مؤلفة

اسيب المجال ليكوا

طلعوا اللي عندكوا

ويا ريت الموضوع يكون عجبكوا
لو عجبك رد واذكر ما تراه من سلوكيات خاطئة

ومش ترد مرة وتنسانا بالمرة

اريد عودة بعد عودة بعد عودة

كل ما تشوف سلوك او تفتكرسلوك مش عاجبك ... غلط خش واذكره

وشكرا ليكوا .. نورتوا الموضوع .. رديت او لم ترد


تحياتي